A Mèsa, avèm dos amics fidèls de longa data, lo Buòu e lo Chivalet. Uòi, vos parlarèm de la legenda polida del Chivalet.
Un còp èra un rei, Pèire II d’Aragon, qu’aviá maridat Maria de Montpelhièr, filha de Guilhaume VIII. Aquel aviá pausat dins la banasta dels nòvis la senhoriá de Montpelhièr. Pas qu’aquò !
Mas vaquí que la Maria aviá pas tròp las favors de son rei de marit. Pendent que viviá tota soleta dins son castel de Miravau, el corriá la patantena amb de jovençèlas. Aquela mena de faire èra pas propici a engendrar un eiretièr légitim. Es alara que los cònsols de Montpelhièr aguèron l’idea famosa de metre la favorita del rei dins lo lièch real de Miravau. Li suggeriguèron de pregar lo rei de « faire aquò », per un còp dins lo negre complet, per pimentar la causa tanplan. Al darrièr moment, cacèron la favorita del lièch e la reina prenguèt la plaça que li reveniá de drech. L’endeman, lo rei èra talament content de sa nuòch que perdonèt la mascariá e entrèt dins Montpelhièr triomfant sus son chivalet, portant la reina en cropa.
Lo « tam-tam » montpelherenc foguèt lèu activat e la fola venguèt dins la jòia aculhir lo cople real, trapant mai l’esper de veire nàisser enfin un eiretièr. E d’efièch, lo 1er de febrièr de l’an 1208, Jaume Primièr vegèt lo jorn dins lo palatz d’en Tornemira (se ditz qu’èra dins lo quartièr de la gleisa Sant Roch, entre lo 2 e lo 6 de la carrièra Jacques d’Aragon)*.
L’intrada a chival dins Montpelhièr aviá tan marcat los eimes que d’unes se ne son inspirats per inventar una dança gaujosa e una cançon per contar l’istòria – o legenda – del chivalet. La costuma despassèt l’encencha de Montpelhièr e mai d’un se n’empoderèt. Los vestits, los passes de dança, lo nombre de dançaires cambièron al fil dels temps e dels luòcs.
A Mèsa, lo Chivalèt e lo Buòu an sauput, mercé a sa populacion, trasversar las epocas e fan partida de nòstre patrimòni local per longtemps, l’espéram.
Aicí, lo chivalet es portat per un òme que deu dançar amb elegància a passes menuts. Davant enl, un autre li dona , coma lo ditz la cançon, la civada dins un tamborin. Lo dançaire qu’es darrièr, amb d’aisinetas, fa mina de lo ferrar, totjorn en dançant. L’animal e los òmes son vestits de blanc e de ribans e cocardas tricolores. Graile e tambornet acompanhan la dança. Aquèla tan bèla musica foguèt misa en òrdre per lo grand musician Lully, quand lo chivalet foguèt presentat al rei de França
Se la costuma es pas de cantar sa cançon, avèm pogut nos procurar paraulas e particion. Las traparètz leu. Seriá plan que lor difusion ajudèsse a manténer la bèla tradicion, que ara regaudís tanben los toristes nombroses que aprécian nòstra region.
Per totas aquelas bonas rasons, longa vida al Chivalèt, e qu’amb son amic lo Buòu, acompanhesson totjorn las fèstas e regaudisson totes los mesòis e los autres.
*L’ostal existís, lo 1er de febrièr 2008, pels 800 ans de la naissença una placa foguèt clavada sus la faciada a la fin de la fèsta de celebracion d’aquel aniversari.
Source : Tradition au pays de Montpellier. Sauramps édition. La garriga lengadouciana.
DANSE DU CHEVALET
A MEZE, nous avons deux amis fidèles de longue date, le Boeuf et le Chevalet. Aujourd’hui, nous vous parlerons de la jolie légende du Chevalet.
Il était une fois un roi, PIERRE II d’ARAGON, qui avait épousé MARIE de MONTPELLIER, fille de GUILLAUME VIII. Celui-ci avait déposé dans la corbeille des mariés la seigneurie de Montpellier. Rien que ça !
Mais voilà que Marie n’avait pas trop les faveurs de son roi de mari. Pendant qu’elle vivait toute seule dans son château de MIREVAU, lui courait la prétentaine avec des « jeunettes ». Cette façon de faire n’était pas propice à engendrer un héritier légitime. C’est alors que les consuls de Montpellier eurent la fameuse idée de mettre la favorite dans le lit royal de Mirevau. Ils lui suggérèrent de prier le roi de « faire ça », pour une fois, dans le noir complet, pour pimenter la chose peut-être. Au dernier moment, ils chassèrent la favorite du lit et la reine prit la place qui lui revenait de droit. Le lendemain, le roi était si content de sa nuit qu’il pardonna la supercherie et entra triomphant sur son petit cheval, portant la reine en croupe.
Le tam-tam montpelliérain fut vite activé et la foule vint accueillir dans la joie le couple royal, retrouvant l’espoir de voir naître enfin un héritier. Et en effet, le 1er février de l’an 1208, JACQUES Ier vit le jour dans le palais de Tournemire (il se dit qu’il était dans le quartier de l’église Saint-Roch, entre le n° 2 et le n° 6 de la rue Jacques d’Aragon).
L’entrée à cheval dans Montpellier avait tant marqué les esprits que certains s’en sont inspirés pour inventer une danse joyeuse et une chanson pour raconter l’histoire – ou légende – du chevalet. La coutume dépassa l’enceinte de Montpellier, et plus d’un s’en emparèrent. Les habits, les pas de danse, le nombre de danseurs changèrent au fil des temps et des lieux.
A Mèze, le Bœuf et le Chevalet ont su, grâce à sa population, traverser les époques et font partie de notre patrimoine local pour longtemps, nous l’espérons. Ici, le chevalet est porté par un homme qui doit danser avec élégance à petits pas. Devant lui un autre lui donne, comme le dit la chanson, l’avoine dans un tambourin. Le danseur qui est derrière, avec de petits outils fait mine de le ferrer, toujours en dansant. L’animal et les hommes sont vêtus de blanc et de rubans et cocardes tricolores. Haut bois et tambourin accompagnent la danse. Cette si belle musique fut mise en ordre par le grand musicien LULLY, lorsque le Chevalet fut présenté au roi de FRANCE à VERSAILLES !
Si la coutume n’est pas de chanter sa chanson, nous avons pu nous en procurer paroles et partition. Vous les trouverez bientôt dans cette rubrique.. Ce serait bien que leur diffusion puisse aider à maintenir la belle tradition, qui maintenant réjouit aussi les nombreux touristes qui apprécient notre région.
Pour toutes ces bonnes raisons, longue vie au Chevalet, et qu’avec son ami le Bœuf, ils accompagnent toujours les fêtes et réjouissances mézoises.
Source : Tradition au pays de Montpellier. Sauramps édition. La garriga lengadouciana.