Al fiu del temps, lo cercle occitan de Mèsa a desvolopat mantunas activitats qu’apelam talhièrs. Demai de los corses de lenga occitana dels diluns e dimars, existisson de talhièrs, coma lo còr de polifonias, la dança e la cosina.
Aquel recampa un vintenat d’adérents, qu’aiman plan se retrobar per elaborar de mangilhas sobretot regionalas e d’autres païses de Mediterranea. Un parelh de personas se cargan de crompar totes los ingredients, e lo jorn J, tre 9 oras del matin, lo talhièr sembla una armada de formigas que s’afairan per preparar, de las dintradas al dessèrt, un repais complet. Netejar lo peis o los cauquilhages, o decopar carn o volalha, trissar la ceba, l’alh, los legums, las èrbas…faire còire en susvelhant plan.
Se cal pas endormir sus lo trabalh per estre lèstes a l’entorn de miègjorn. Coma sèm pas de mond qu’aiman de degalhar la merça, anam pas escampar tot aquò, e se metèm a taula per partejar aquel repais, que dempuèi un brave moment nos atissa las papilhas per sas nolors.
Lo Jaumet manca pas de desgrunar lo Benedicite* qu’escotam religiosament. Quand arriva lo plat de resisténcia, un àngel passa. Cadun sabora la preparacion elaborada amb fòrça suènh, amai amb amor.
Puèi, amb l’ajuda d’un pauqueton d’un bon vin, las bocas se desligan, fins a cantar al dessèrt, totjorn en occitan, sioplet . Cal dire que la tòca d’aquel talhièr es pas solament de faire la cosina ; es tanben de parlar e d’escriure en occitan las recèptas. Apuèi, aquelas son presentadas jos forma de fichas ornadas de fotòs presas pendent la preparacion, que cal faire perdurar las recèptas tradicionalas. Per acabar, cadun s’afaira per daissar los locals en bon estat de netitge.
E, cal pas l’oblidar, la sola règla requerida per faire partida del talhièr de cosina, es la bona umor, marca de fabrica del Cercle occitan.
* Benedicite de Sant Guilhem :
« Per manjar çò qu’avèm, sèm pro coma sèm.
E se qualqu’un deu venir, que se còpe la camba pel camin ».
Es pas trop crestian aquò !
ATELIER CUISINE DU CERCLE OCCITAN
Au fil du temps, le Cercle Occitan de Mèze a développé plusieurs activités, que nous appelons ateliers. En plus des cours de langue occitane des lundis et mardis, il existe des ateliers comme le cœur de polyphonie, la danse et la cuisine.
Celui-ci rassemble une vingtaine de personnes qui aiment se retrouver pour élaborer des mets, surtout régionaux et d’autres pays de Méditerranée. Une paire de personnes se charge d’acheter tous les ingrédients, et le jour J, dès 9 heures du matin, l’atelier ressemble à une armée de fourmis qui s’affaire pour préparer, de l’entrée au dessert, un repas complet. Nettoyer le poisson ou les coquillages, ou bien découper viande ou volaille, couper fin l’oignon, l’ail, les légumes, les herbes…faire cuire en surveillant bien.
Il ne faut pas s’endormir sur le travail pour être prêts vers midi. Comme nous ne sommes pas des personnes qui aiment gaspiller la marchandise, nous n’allons pas jeter tout ça, et nous nous mettons à table pour partager ce repas, car depuis un bon moment, il nous attise les papilles par ses odeurs.
Jaumet n’oublie pas d’égrener le Bénédicité* que nous écoutons religieusement. Lorsqu’arrive le plat de résistance, un ange passe…chacun savoure la préparation élaborée avec beaucoup de soins, même avec amour.
Puis, avec l’aide d’un peu de bon vin, les bouches se délient, jusqu’à chanter au dessert, toujours en occitan, s’il vous plaît ! Il faut dire que le but de l’atelier cuisine n’est pas seulement de faire la cuisine. C’est aussi de parler et d’écrire en occitan les recettes. Ensuite, celles-ci sont présentées sous forme de fiches ornées de photos prises pendant la préparation, car il faut faire perdurer les recettes traditionnelles. Pour finir, chacun s’affaire pour laisser les locaux en bon état de propreté.
Et il ne faut pas l’oublier, la seule règle requise pour faire partie de l’atelier de cuisine, c’est la bonne humeur, marque de fabrique du Cercle occitan.
*Bénédicité de Saint-Guilhem :
« Pour manger ce que nous avons, nous sommes assez comme nous sommes.
Et si quelqu’un doit venir, qu’il se casse la jambe en chemin. »
C’est pas trop chrétien ça !