Aimi l’ivern per la calma que nos porgís. Ben segur que se cal mai vestir mas per carrièra las personas que crosam, an de caras familiaras. Sèm entre nosautres, podèm faire un mocin de conversacion :
« Sabes ben ! Es lo filh de la sòrre d’aquel qu’a crompat…,son paire trabalha en cò de … al Morre blanc o en encara … es ela que cada matin va querre lo pan … e que lo pòrta a sa vesina que s’es copada la camba …»
E encara que faga freg, suls trepadors o sus las plaças, charram dels eveniments, del gobern que nos rascla l’esquina, de la plòja que tomba pas, dels desaïcis d’aquel president que vòl faire la lei de per tot dins lo monde, e ne passi. »
Autre sicut d’alegrança es lo tarabast qu’a desaparegut, las veituras s’atropèlan pas pus als caireforcs, montan pas pus suls trepadors e quand tu, prenes la tieuna, trobas totjorn ont t’arrestar. Sens comptar la sansonha que retronís tota la jornada al pòrt, qu’a desaparegut. Ara òm vei los passejaires caminar tranquilament e los esportius qu’an pas paur de la temperatura fresqueta, corron per carrièra, pòdon respirar sens cap de lagui l’aire sens cap de particulas.
E puòi i a la fèstas, qu’es l’escasença de desirar, en levant lo gòt, un polit Nadal e una bèla e bona annada venenta. Es çò que fau per vos amics legeires.
En cò nòstre, l’ivern, fin finala es pas tan marrit !
J’aime l’hiver
J’aime l’hiver pour le calme qu’il nous apporte. Bien sûr il faut s’habiller davantage mais dans les rues les personnes que nous croisons ont des visages familiers. Nous sommes entre nous, nous pouvons faire un bout de conversation :
Tu sais bien ! C’est le fils de la sœur de celui qui a acheté …, son père travaille chez…, au Moure blanc, o encore c’est elle qui chaque matin va chercher le pain … et qui le porte a sa voisine qui s’est cassé la jambe … »
Autre sujet de contentement, c’est le vacarme qui a disparu, les voitures ne s’accumulent pas aux carrefours, elles ne montent plus sur les trottoirs et quand toi, tu prends ta voiture, tu trouves toujours où t’arrêter. Sans compter qu’au port, la rengaine qui retentit toute la journée a disparu. Maintenant on voit les promeneurs marcher tranquillement et les sportifs qui n’ont pas peur de la température plutôt fraiche courent dans les rues, ils peuvent respirer sans souci l’air sans particules.
Et puis il y a les fêtes qui sont l’occasion de souhaiter, en levant le verre, un joyeux Noël et une belle et bonne prochaine année. C’est ce que je fais pour vous, amis lecteurs.
Chez nous, en définitive, l’hiver n’est pas tellement mauvais.