Nosautres, dins lo Miègjorn, aimam plan que nòstres jardins resplendiscan de frescura, mercé a l’aiga qu’an recebuda.
Mas aimam pas tròp la pluèja, e cossí far per aver l’aiga sens aver la pluèja ? Pel moment, persona a trobat l’astúcia.
Pasmens reconeissi que quand n’avèm mancat, una bona ondada es la ben venguda. Nos esmeravilham davant las tomatas e las flors que se reviscolan.
Podèm enfin tornar lavar la veitura…encara que la secada siá estada un bon pretèxte per i anar pas…
Al fiu del temps, l’òme que crei aver fach lo monde a sa mesura, pòt encara tocar un fum de causas.
Se trufa de las autras espècias de la planeta (levat per las manjar), coma se trufa de son devenir. Après tot, se sap solament de passatge sus nòstra Tèrra.
Alara que dire del temps ?
Ja n’i a dos :
Le temps de la metèo : aquesta passa lo disèm « poirit » ; al bot de 48 oras de pluèja, ne podèm pas mai… Nos demandam coma fan los Parigòts e los Bretons per sofrir aquò de longa*. Pòdon petnejar, lo temps ne farà totjorn qu’a sa tèsta (aquò me rapèla qualqu’un…).
E puòi i a lo temps, que coma lo cafè, passa pas totjorn a la meteissa cadéncia.
Quand nos trobam dins un espital, esperant que nòstre malaute siá tornat de la sala d’operacion, coma es long lo temps !
Quand nòstres parents o amics son sus la rota e que nos metèm dins lo cap que deurián èstre arribats, coma es long lo temps !
Quand sus los bancs de l’escòla lo cors de mat o de quicòm mai segon afinitats, aviá pas lo sòrt de nos plaire, coma èra long lo temps !
I auriá d’exemples a bodre, mas i a tanben de contra exemples.
Quand manjam una bona còca, e que ne revenèm pas que siá ja acabada, coma es cort lo temps !
Quand prenèm plaser a barrutlar, a veire un filme a l’intriga plan engimbrada, coma es cort lo temps !
Quand partejam una conversacion interessanta, quand cabussam dins un bon libre que nos dona de nos escapar del quotidian, coma es cort le temps !
Plasers de l’esperit, mas tanben plasers del còrs dins la practica de son espòrt favorit ; plaser de se laissar engolir per l’aiga de l’estanh de Taur pas jamai tròp fresca…mas en estiu çaquelà… plaser d’una dança dins los braces de nòstre cavalièr ; es lo Bon Dieu en persona que nos l’a enviat, tant nòstre acordança es perfiècha. Coma es cort lo temps !
Tot aquò, e ne passi, fa que lo temps sembla èstre a geometria variabla. Es una vertadièra enigma que sembla pas encara resolguda.
Parièr per la nocion del temps que s’aviada a flor e mesura que dintram dins l’atge. Franc d’èstre preissats de saupre coma se passa de l’autre costat…
Alara, coma o disiá un de mos bons amics : « cal préner lo mond coma son e lo temps coma ven ».
Ai pas jamai doblidat aquelas paraulas avisadas, subretot quand trefolissi d’impaciéncia !
E per los perfeccionistas, lor suffís d’agachar lor relòtge . Aquel levat d’èstre en pana, mentís pas jamais.
Tè, los Parigòts e los Bretons se venon « repiutar » en çò nòstre, se pintar de solelh. Aqueles s’o podián, nos lo raubarián per n’aver a posita tota l’annada, paurets !
IL Y EN A ASSEZ DE CE TEMPS !
Nous, dans le Midi, nous aimons bien que nos jardins resplendissent de fraîcheur, grâce à l’eau qu’ils ont reçue.
Mais nous n’aimons pas trop la pluie, et comment faire pour avoir l’eau sans avoir la pluie ? Pour le moment, personne n’a trouvé le truc.
Pourtant je reconnais que lorsque nous en avons manqué, une bonne averse est la bienvenue. Nous nous extasions devant les tomates et les fleurs qui se ravivent.
Nous pouvons enfin aller laver la voiture…bien que la sécheresse ait été un bon prétexte pour ne pas y aller…
Au fil du temps, l’homme qui croit avoir fait le monde à sa mesure, a encore prise sur un grand nombre de choses.
Il se moque des autres espèces de la planète (à part pour les manger), comme il se moque de son avenir. Après tout, il se sait juste de passage sur notre Terre.
Alors que dire du temps ?
Déjà il y en a deux :
Le temps de la météo :
En ce moment nous le disons « pourri » ; au bout de 48 heures de pluie, on n’en peut plus…nous nous demandons comment font les Parigots et les Bretons pour supporter cela tout le temps*. Ils peuvent trépigner, le temps n’en fera qu’à sa tête (cela me rappelle quelqu’un…).
Et puis il y a le temps qui, comme le café, ne passe pas toujours à la même cadence.
Quand nous nous trouvons dans un hôpital, attendant que notre malade soit revenu de la salle d’opération, comme il est long le temps !
Quand nos proches sont sur la route et que nous nous mettons en tête qu’ils devraient être arrivés, comme il est long le temps !
Quand sur les bancs de l’école le cours de math ou d’autre chose selon affinités, n’avait pas l’heur de nous plaire, comme il était long le temps !
Il y aurait des exemples à foison, mais il y a aussi des contre exemples.
Quand nous mangeons un bon gâteau, et que nous sommes surpris qu’il soit déjà fini, comme il est court le temps !
Quand nous prenons plaisir à nous promener, à regarder un film à l’intrigue bien ficelée, comme il est court le temps !
Quand nous partageons une conversation intéressante, quand nous nous plongeons dans un bon livre qui nous permet de nous évader du quotidien, comme il et court le temps !
Plaisirs de l’esprit, mais aussi plaisirs du corps dans la pratique de son sport favori; plaisir de se laisser avaler par l’eau de l’étang de Thau, jamais trop froide…mais en été quand même…plaisir d’une danse dans les bras de notre cavalier; c’est le Bon Dieu en personne qui nous l’a envoyé, tant notre accord est parfait. Comme il est court le temps!
Tout cela, et j’en passe fait que le temps semble être à géométrie variable. C’est une véritable énigme qui semble ne pas être encore résolue.
De même pour le temps qui s’accélère au fur et à mesure de l’avancée dans l’âge. A moins d’être pressés de savoir comment cela se passe de l’autre côté…
Alors, comme le disait un de mes bons amis : « il faut prendre les gens comme ils sont et le temps comme il vient ».
Je n’ai jamais oublié ces sages paroles, surtout quand je grille d’impatience !
Quant aux perfectionnistes, il leur suffit de regarder leur pendule. Celle-là, à moins d’être panne, ne ment jamais.
Tiens, los Parigots et les Bretons viennent se « ressourcer » chez nous, se saouler de soleil. Ceux-là s’ils le pouvaient, ils nous le voleraient pour en avoir à disposition toute l’année, les pauvres !