Mai d’un còp barram la television tant n’avèm un confle d’aquelas « pubs » ; coma se lo mond se portava melhor amb aquò.
Es verai ! De mai en mai me fa pensar a d’entrepans, que las pubs serián lo pan e las emissions lo burre : una lesqueta que sèm pas en Normandia.
Mas i a d’emissions que son de bona premsa, sabentas o pas, segon la cadena e los oraris causits.
Per ieu n’i a una que sortís del lòt. Es la dels « Rescontres del Papotin », que se pòt veire los dissabtes (pas totes) a 8 oras e mièja del ser, cadena 2.
S’inspira del jornal « Lo papotin », creat en 1989 per una còla de jornalistas qu’èran pas totes professionnals, e sovent portaires de la trèva de l’autisme.
En 2022, foguèt decidit de ne faire una emission de television de mièja-ora. E quana riquesa !
Lo principi es de convidar una personalitat coneguda, venent sovent del monde de l’espectacle.
Aquela va respondre a las questions pausadas per una amassada de monde que sofrisson de trebolum mental, pas totjorn leugièr.
Las questions son sen filtre ni falsa pudor, e pòdon tocar a l’intimitat del convidat, tant los jornalistas d’un jorn son sincèrs. E i a pas ges de malícia o de curiositat malsanissa dins lors procès. Just una curiositat per las causas de la vida.
Aquò los empacha pas d’èsser gaujoses e de còps talentuoses quand se meton a cantar lors pròprias cançons o a dire lors pròpris poèmas.
Las personalitats convidadas, segurament judiciosament causidas per lor empatia, jògan lo jòc e se meton a nud.
Pauc a pauc se fòrma una complicitat vertadièira, atanben una emocion venguda d’aquela intimitat, coma se camèras e micros èran absents
L’emission s’agacha sens relucariá, e aquò fa de ben de constatar que quand òm vòl, se pòt integrar dins nòstra vida, e dins la vida economica, de monde differents, que son capables de faire pròva de bona volontat e de balhar a veire una frescura d’anma non mascada.
Segur que lors parents que se fan tant de laguis per l’avenidor de lors enfants son asserenats de los veire considerats per çò que son, d’èstres a part entièra.
Quand l’emission s’acaba, òm podriá pas dire quals son los mai tresvirats per aquel rescontre, lo convidat, los participants o nosautres telespectators.
Òsca per aquela iniciativa.
Escomesa tenguda e bèla capitada.
E per quora una recompensa que seriá plan meritada ?
LES RENCONTRES DU PAPOTIN
Plus d’une fois, nous éteignons la télévision tant nous avons assez de ces « pubs » ; comme si le monde se portait mieux avec ça.
C’est vrai ! De plus en plus cela me fait penser à des sandwiches, dont les pubs seraient le pain et les émissions le beurre : une lichette, car nous ne sommes pas en Normandie.
Mais il y a des émissions qui sont de bonne qualité, savantes ou pas, selon la chaîne et les horaires choisis.
Pour moi il y en a une qui sort du lot. C’est celle des « Rencontres du Papotin », qui peut se voir les samedis (pas tous), à 20 heures 30, chaîne 2.
Elle s’inspire du journal « Le papotin », créé en 1989 par une équipe de journalistes qui n’étaient pas tous professionnels, et souvent porteurs du spectre de l’autisme.
En 2022, il fut décidé d’en faire une émission de télévision d’une demi-heure. Et quelle richesse !
Le principe de l’émission est d’inviter une personnalité connue, venant souvent du monde du spectacle.
Celle-ci va répondre aux questions posées par une assemblée de gens qui souffrent de troubles mentaux, pas toujours légers.
Les questions sont sens filtre ni fausse pudeur, et peuvent toucher à l’intimité de l’invité, tant les journalistes d’un jour sont sincères. Et il n’y a aucune malice ou curiosité malsaine dans leurs démarches. Juste une curiosité pour les choses de la vie.
Cela ne les empêche pas d’être joyeux et parfois talentueux quand ils se mettent à chanter leurs propres chansons ou à dire leurs propres poèmes.
Les personnalités conviées, sûrement judicieusement choisies pour leur empathie, jouent le jeu et se mettent à nu.
Peu à peu se forme une vraie complicité, et aussi une émotion venue de cette intimité, comme si caméras et micros étaient absents.
L’émission se regarde sans voyeurisme, et cela fait du bien de constater que quand on veut, on peut intégrer dans notre vie et dans la vie économique, des gens différents, qui sont capables de faire preuve de bonne volonté et de donner à voir une fraîcheur d’âme non déguisée.
Pour sûr leurs parents qui se font tant de soucis pour l’avenir de leurs enfants sont rassérénés de les voir considérés pour ce qu’ils sont, des êtres à part entière.
Quand l’émission s’achève, on ne pourrait pas dire quels sont les plus remués par cette rencontre, l’invité, les participants, ou nous autres téléspectateurs.
Bravo pour cette initiative.
Pari tenu et belle réussite.
Et à quand une récompense qui serait bien méritée ?